灵异记收集最新民间真实灵异事件
每天更新全国十大闹鬼,诡异事件

节目爆主题乐园灵异事件好惊惊 阿旦:有嗰味嘢几刺激

林二汶聽員工爆主題樂園鬼故嚇到面容扭曲。

林二汶聽員工爆主題樂園鬼故嚇到面容扭曲。

主题乐园有鬼?幻觉嚟㗎啫吓我唔到嘅!但係呢啲鬼故出自主题乐园员工把口又真係几惊!星期四ViuTV节目《又要威又要戴头盔》请咗4位主题乐园员工做嘉宾,分享咗几个乐园入面嘅鬼故,但係佢哋分享嘅其实只係冰山一角,识睇要睇留言,原来仲有好多传闻㗎!妈呀,我买咗全年票仲去唔去好呀?

员工分享最恐怖係讲乐园裡面黑妈妈个过山车,途中经过一个会转嘅星球,传闻有人见过一个小朋友坐咗喺上面,仲同旅客挥手,有唔少客人都话亲眼见过,万圣节期间有客人向员工讲:「点解将啲布景接到咁逼真,吓死我喇!」又有传闻话负责维修嘅人兄听到顶处有妹妹哼《快乐颂》,《快乐颂》点唱?自己google下。

另一个都係发生喺好受欢迎嘅游乐设施,就係坐住车仔玩嘅射击游戏,员工话呢个游戏每卡车只可以坐两个人,但相传有一对情侣玩玩下多咗个小朋友,但只得出口员工睇到,个小朋友仲做出「嘘」的手势示意员工唔好出声,更讲咗句:「我都只係想玩下啫,你唔出声咪得囉!」该员工吓到呆咗唔敢出声,两个入三个出,真係好惊呀。另外有个以狮子为题材嘅真人表演骚,每逢发现最上层有黑影出现的话,个骚就会坏机,表演被逼停止。

唔好以为新起嘅设施就冇事,员工提到一个以博物馆为主题嘅游览设施都有恐怖经历,事件发生喺某晚乐园关门后,客人都离开了,而负责拉闸的店铺职员将闸拉到一半的时候,听到一班小朋友衝过来的哈哈声,佢就停止拉闸,但等咗阵唔见有人以为自己听错,点知继续落闸时又再听见嘈吵声,于是佢透过闸缝望入去,就见到一班小朋友一字排开,但係全部只得一隻脚。

好惊?仲未完呀!森林主题区有大树屋,平时客人上树顶参观都会经过一隻假豹,假豹身上设有感应器,有人经过便会吼叫;有次乐园关门后一位维修人员上去检查,感应器正常,但当佢离开嘅时候,突然听到隻豹吼叫,佢回头望,见到一名红衣女子喺桥对岸望住佢,哗好恐怖呀!后来呢位维修人员辞咗职。

有網友指主題樂園入面尚有好多傳聞未爆,講10集都講唔完,真唔真呀?

有網友指主題樂園入面尚有好多傳聞未爆,講10集都講唔完,真唔真呀?

4个传闻都发生喺唔同嘅游乐设施,咁我哋避开呢几个设施咪唔惊囉!你又错喇!节目播出后,有网友喺ViuTV网页留言表示喺乐园有怪异经历,最邪係坐船欣赏世界各地风俗嘅游乐设施,有人发现有公仔一直望实佢,直到隻船驶到另一区仍然望住佢。又有疑似员工指上节目嘅都只係新员工,好多经典怪事都未知,例如门口水池凌晨发生过怪事,连酒店、canteen、office都有鬼故。唔通乐园真係咁猛?分分钟刺激过隔离乐园个万圣节喎!

ViuTV嘅阿旦邓洢玲都好锺意去呢个主题乐园,连美国最大嗰个乐园都去过,佢话睇完节目都觉得惊,但越惊越想玩喎:「有嗰味嘢都几刺激吖!乐园入面有啲恐怖游戏,玩玩下见到鬼咪更加逼真,又唔知係真嘢!」阿旦仲话:「其实边度都有鬼㗎啦!有啲生前可能冇钱去玩,死后唔使钱吖嘛,去流连下都唔出奇。」

 

未经允许不得转载:灵异记 » 节目爆主题乐园灵异事件好惊惊 阿旦:有嗰味嘢几刺激
分享到: 生成海报

评论 抢沙发

  • QQ号
  • 昵称 (必填)
  • 邮箱 (必填)
  • 网址
切换注册

登录

忘记密码 ?

切换登录

注册

我们将发送一封验证邮件至你的邮箱, 请正确填写以完成账号注册和激活