灵异记
林婷說大宅的結構都幾複雜，但亦指內裡有不同的主題，裝修幾特別。「但橙色區域有好多地方都封咗，另一邊就淨乾少少，但就有好多蝙蝠屎。」
Viu TV灵异探险节目《入住请敲门2》两位主持莫竣名同林婷，分别去到泰国同马来西亚嘅超猛鬼酒店嚟挑机，而为咗加强挑机性，两位主持更去到多个灵探点。
莫竣名于首集在曼谷一间知名猛鬼酒店宴会厅唱歌时，远处闪现疑似长髮遮面的女性人影，由右边往左边飘过……但节目播出时，该人影未有被「眼仔」所标记，故有网民就认为係幕后，当然网民认为係……而喺昨晚播出一集，林婷去到位于吉隆坡Jalan Bukit Ceylon路上的荒废大宅探险时，当佢由二楼行楼梯上三楼时，于三楼的橙色门后忽然闪现疑似人头，虽然呢个头只係出现咗一秒，但唔少观众都话见到，更在讨论区议论纷纷。
于节目18分钟左右，林婷准备由二楼行上三楼时，橙色门后突然出现一个疑似人头的物体。
根据莫竣名同林婷早前于访问时的说法，于灵探点或现都市传说拍摄时，多数只会係主持、摄影师、师傅呢个组合留守现场，所以按理来说，大宅三楼唔会有其他工作人员在场。林婷接受电话访问时，就话都有见到网民cap图，并表示：「我完全唔知係咩，当时见唔到！吓死。係人都唔会缩得咁快，仲要黑色面！」林婷表示该幕出街后，都有问过工作人员。「佢哋应该唔会咁无聊走上三楼，同埋剪片时佢哋係见唔到呢个头，有佢哋都会出眼仔同话我听。」她指三楼有部分地方封起来，而闪现人头的位置的上方，则贴有溶溶烂烂的符，她当然虽然有走过，但就完全感受唔到任何嘢。「依家睇返都几恐怖，如果係人，无理由得半个门嘅高度。」
林婷接受電話訪問時，都直呼「好彩」因為拍攝時未有見到……
